ՀՀ դեսպան Վարուժան Ներսեսյանը հանդիպումը սենատոր Քրիս Վան Հոլենի հետ

16 դեկտեմբերի, 2019

Դեկտեմբերի 16-ին ԱՄՆ-ում ՀՀ դեսպան Վարուժան Ներսեսյանը հանդիպեց սենատոր Քրիս Վան Հոլենի հետ:
Դեսպան Ներսեսյանը շնորհակալություն հայտնեց Սենատի կողմից միաձայն համաձայնությամբ Հայոց ցեղասպանության ճանաչման մասին բանաձևի ընդունման կապակցությամբ, ինչպես նաև հայ-ամերիկյան հարաբերությունների խորացմանն ուղղված սենատորի գործադրած ջանքերի համար:
Հանդիպման ընթացքում դեսպան Ներեսյանը ներկայացրեց Հայաստանում իրականացվող ժողովրդավարական բարեփոխումների օրակարգը: Քննարկվեցին Հայաստանում ԱՄՆ կողմից ներդրումային հնարավորությունների և տարբեր բնագավառներում երկկողմ համագործակցության վերաբերյալ հարցեր:
Սենատորի խնդրանքով Վարուժան Ներսեսյանը ներկայացրեց Լեռնային Ղարաբաղի հիմնախնդրի խաղաղ կարգավորման գործընթացի շուրջ վերջին զարգացումները, ինչպես նաև ՀՀ արտաքին քաղաքականության առաջնահերթությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր